Stop Bide Indarkeriatik bizikletan segurtasunez ibiltzeko, erabiltzen ditugun bideen arabera erabili behar ditugun abiadurak ezagutzeko aholku eta gomendio batzuk uzten dizkizuegu.
Stop Bide Indarkeritik Durangoko Udalaren mugikortasun seguruko programan lanean jarraitzen dugu, kasu honetan ikastetxeetan egiten dugun lanaren lagin txiki bat erakusten dizuegu. Eskerrak eman nahi dizkiegu Durangoko San Jose Jesuitak Ikastetxeari, San Antonio Ikastetxeari, Kurutziaga Ikastolari eta Zabalarra Eskolari beren ateak ireki dizkigutelako Lehen Hezkuntzako ikasleekin Bide Hezkuntza bezain garrantzitsua den zerbait lantzeko.
Datozen hilabeteetan Landako Eskolatik eta Nevers Ikastetxetik igaroko gara lehen eta bigarren zikloko etaparekin amaitzeko.
En los próximos meses pasaremos también por Landako Eskola y Nevers Ikastetxea para acabar nuestra etapa de primer y segundo ciclo de primaria.
Diputatuen Kongresuak Trafikoari, Ibilgailu Motordunen Zirkulazioari eta Bide Segurtasunari buruzko Legearen testu bategina aldatzea onartu zuen atzo.
Arau-aldaketa horren helburua puntukako baimenari buruzko Legearen zenbait agindu eguneratzea izan da. Tresna hori baliagarria izan da errepideko ezbehar-tasa murrizteko, baina eguneratu egin behar zen sistemaren eraginkortasuna hobetzeko, denboretara egokitzeko eta bide-segurtasuna indartzeko. Gainera, Legearen beste artikulu batzuk aldatu dira, gehienak legebiltzar-taldeenak, beren ekarpenekin Lege irekiagoa eta egungo eta etorkizuneko mugikortasun berrira bideratuagoa egiten lagundu dutenak.
Bizikletan segurtasunez ibiltzeko eta erabili behar ditugun segurtasun-elementuak ezagutzeko aholku eta gomendio batzuk uzten dizkizuegu.
Sonia Díaz de Corcuera Eusko Jaurlaritzako Trafikoko zuzendariak bide indarkeriaren biktimen omenez egin zen ekitaldian parte hartu zuen atzo. Ekitaldia Euskadiko Stop Bide Indarkeria elkarteak antolatu zuen Trafiko Istripuetako Biktimak Oroitzeko Munduko Eguna dela eta. Zuzendariarekin batera ekitaldian izan ziren Gasteizko Udaleko eta Arabako Foru Aldundiko agintariak eta trafiko-istripuetako biktimen familiartekoak.
Díaz de Corcuerak Stop Bide Indarkeria elkartearen presidenta den Rosa Trinidad-aren lana eskertu zuen eta nabarmendu zuen azken urteotan beheranzko joera finkatu dela Euskadin ezbeharren kopuruan. 2000. urtean 200 pertsonatik gora hil ziren Euskadiko errepide-sarean. Aurten, azaroaren 15era arte, 40 pertsona hil dira (10 Araban, 15 Bizkaian eta 15 Gipuzkoan). 2020ko aldi berean, pandemiak eraginda ezarritako murrizketen ondorioz urte atipikoa izanik, 36 pertsona hil ziren, eta 2019an 44.
Trafikoko zuzendariak adierazi zuenez, “joera beheranzkoa bada ere, Eusko Jaurlaritzatik sentsibilizazio eta kontzientziazio programak eta ekintzak lantzen jarraitzen dugu Zero Biktima ikuspegiarekin, 2021-2025 Bide Segurtasunerako eta Mugikortasun Seguru eta Jasangarrirako Plan Estrategikoan jasota dagoen bezala. Helburua da herritarrak kontzientziatzea istripuei aurrea hartzeko eta istripuak murrizteko, kolektibo zaurgarriei arreta berezia eskainiz. Ez da ahaztu behar kaleak eta errepideak leku seguruak izatea horiek erabiltzen ditugun guztion erantzukizuna dela, eta arretaz gidatzeko eta gidatzean zuhurrak izateko deia egiten dugu, beraz”.
Era berean, Sonia Díaz de Corcuerak gogorarazi zuen Euskadin biktimadun trafiko-istripuetako hiru faktore konkurrenteak alkoholaren, drogen edo botiken kontsumoa, arreta-galtzeak eta abiadura desegokia direla.
Gizartea sentsibilizatzea eta kontzientziatzea
Arriskuak saihesteko eta arduraz gidatzea sustatzeko, Eusko Jaurlaritzak bide-hezkuntzako eta formakuntzako jarduera ezberdinak egiten ditu urtean zehar. Jarduera horiek hemen kontsulta daitezke: www.trafikoa.euskadi.eus. Horrez gainera, aipatzekoak dira kolektibo zaurgarrienak (motor-gidariak, txirrindulariak, MPIen gidariak eta oinezkoak) babestera bideratutako jarduerak eta muturreko meteorologia-egoeretan, obrek trafikoan eragina dutenean edo trafiko-operazio berezietan ibilgailu-dentsitate handia aurreikusten denean hedatzen diren mezuak. Bide-segurtasunaren arloan herritarrak sentsibilizatzeko bide horretan, Eusko Jaurlaritzak jardunaldi profesionalak antolatzen ditu trafikoarekin eta mugikortasunarekin zerikusia duten gai ezberdinetako adituekin. Aurten topaketa bat egingo da datorren abenduaren 1ean Donostian, ‘Euskal enpresa, Bide Segurtasunarekiko konpromisoa Kudeaketa Aurreratuaren bidez’ izenburupean.
Trafiko Istripuetako Biktimak Oroitzeko Munduko Eguna 2005ean egin zen lehenengo aldiz, NBEak gobernuei eskatu zienean efemeridea azaroko hirugarren igandean oroitzea biktimak omentzeko eta gizartea kontzientziatzeko.
Iturria: Irekia
